’’قائداعظم اور افواج پاکستان‘‘ جبار مرزا کی نئی کتاب شائع ہو گئی

لاہور (سپیشل رپورٹر) بے باک صحافی‘ محقق‘ دانشور اور مصنف جناب جبار مرزا کی 22 ویں کتاب ’’قائداعظم اور افواج پاکستان‘‘ قلم فاؤنڈیشن انٹر نیشنل کے زیراہتمام علامہ عبدالستار عاصم نے شائع کی ہے۔ کتاب میں بانی پاکستان حضرت قائداعظم محمد علی جناحؒ نے افواج پاکستان سے کب اور کہاں خطاب فرمایا۔ افواج پاکستان کے جوانوں اور افسروں سے بانی پاکستان کی محبت کے بے شمار واقعات تحریر کئے گئے ہیں۔ قیام پاکستان کے وقت افواج پاکستان کا مثالی کردار اور قیام پاکستان کے بعد افواج پاکستان کی خدمات‘ قربانیوں اور مشکل ترین حالات میں پاکستانی فوج کے لازوال اور بے مثال جذبے کا صراحت کے ساتھ ذکر کتاب کے خصوصی موضوع ہیں۔ کتاب کا انتساب اول آرمی پبلک سکول پشاور کے شہیدوں کے نام اور انتساب ثانی کتابوں کی دنیا کا معتبر حوالہ ممتاز پبلشر اور منفرد بزرگ قلمکار ملک مقبول احمد مرحوم کے نام کیا گیا ہے۔