ڈپٹی کمشنر شیخوپورہ کا اسسٹنٹ کمشنر صفدر آبادکے ساتھ تحصیل ہسپتال کا دورہ

شیخوپورہ (نمائندہ نوائے وقت)وزیر اعلیٰ پنجاب کی ہدایت پر پنجاب بھر کی طرح ضلع شیخوپورہ کی پانچوں تحصیلوں میں بہترین طبی سہولیات فراہم کی جا رہی ہیںڈپٹی کمشنر شیخوپورہ رانا شکیل اسلم نے اسسٹنٹ کمشنر صفدر آباد لاریب اسلم کے ہمراہ تحصیل ہیڈ کوارٹر ہسپتال صفدر آباد کا دورہ کیا ڈپٹی کمشنر نے آئی سی یو، سی سی یو، ایمرجنسی وارڈ سمیت مخلتف وارڈز میں زیر علاج مریضوں کی عیادت کی اور ان سے علاج معالجے کی سہولیات کے متعلق دریافت کیا ڈپٹی کمشنر نے ڈاکٹرز اور پیرا میڈیکل سٹاف کے حاضری رجسٹر کو بھی چیک کیا اور ڈیوٹی پر مامور عملے کو ہدایت کی کہ ہسپتال میں زیر علاج مریضوں کو ہر ممکن طبی سہولیات کی فراہم کو یقینی بنائیںانہوں نے ہسپتال میں صفائی ستھرائی کے انتظامات اور مریضوں کیلئے موجود مفت ادویات کے سٹاک کو بھی چیک کیا ۔