گوجرانوالہ: ن لیگ کا اجلاس‘بلدیاتی انتخابات میں ملکر چلنے کا عزم

گوجرانوالہ(نمائندہ خصوصی)پاکستان مسلم لیگ ن ضلع گوجرانوالہ کا اجلاس‘بلدیاتی انتخابات میں کامیابی اور پارٹی کی مضبوطی کیلئے ملکر چلنے کے عزم کا اظہار کیا گیا گذشتہ روز پاکستان مسلم لیگ ن ضلع گوجرانوالہ کے صدرایم پی اے قیصر اقبال سندھو کی میزبانی میں پاکستان مسلم لیگ ن ضلع گوجرانوالہ کے اراکین اسمبلی و عہدیداروں کا اہم اجلاس منعقد ہوا جس میں سابق وفاقی وزراء انجینئر خرم دستگیر خان، چوہدری محمود بشیر ورک، ایم این اے چوہدری ذوالفقار علی بھنڈر، اراکین صوبائی اسمبلی چوہدری اقبال گجر، حاجی عبدالرؤف مغل، عمران خالد بٹ، حاجی امان اللہ وڑائچ، رانا اختر علی خان، چوہدری عادل چٹھہ، ضلعی جنرل سیکرٹری شعیب الطاف چیمہ ،میئر گوجرانوالہ شیخ ثروت اکرام، ڈپٹی میئر و سٹی صدر سلمان خالد پومی بٹ، سابق وزیر آزاد کشمیر اسمبلی چوہدری اسماعیل گجر،صدر چیمبر آف کامرس محمد شعیب بٹ، لیبر ممبر کارپوریشن ناصر محمود کھوکھر، میجر(ر)الطاف چیمہ، حاجی عرفان اللہ چیمہ،سابق ضلعی جنرل سیکرٹری شازیہ فرید، سہیل انجم بٹ ودیگر نے بھی شرکت کی ۔